I. Журналга мақолаларни тақдим этиш шартлари

         1. Илмий мақола қўйидаги умумий талабларга жавоб бериши:

- мавзу журнал рукнларидан бирига мос келиши;

- эмпирик тадқиқот, назарий-амалий-услубий тавсифлар, илмий адабиётлар таҳлили ва шарҳини ўзида тизимлашган ҳолда мужассам этиши; 

- ҳимоя қилинган докторлик (PhD ва DSc) тадқиқотларидан иқтибос келтирилиши:

- халқаро йирик нашриётлар ёки маълумотлар базаси, шунингдек жаҳоннинг 1000 (бир минг) та энг яхши олий таълим муассасаси (ОТМ) рўйхатидаги ОТМлар томонидан чоп этилган тўплам материалларидан иқтибослар берилиши;

- халқаро маълумотлар базасида импакт-факторга эга журналларда чоп этилган мақолалардан иқтибослар келтирилиши;

2. Мақола халқаро андозалар талаби доирасидаги қуйидаги бандларга эга бўлиши:

- мақола мавзуси (title) қисқа ва лўнда шакллантирилган бўлиб, тадқиқ этилаётган йўналиш муаммолари ва уларнинг ечимларини ўзида аниқ ифода этиши;

- мақола муаллифи тўғрисида маълумот(author information)да муаллифнинг фамилияси, исми-шарифи (тўлиқ), иш жойи ва лавозими, илмий даражаси ва унвони, электрон почта манзили  ва телефон рақами киритилиши.

Шу жумладан, мақола таркиби халқаро андозалар талаби доирасидаги қуйидаги яхлит тизимлашган аниқ бандларга бўлинган бўлиши:

-мақола аннотацияcи (abstract) 6-8 қатордан ошмаган ҳолда ўзбек, рус ва инглиз тилларида берилиши, унда мавзунинг долзарблиги, тадқиқот муаммоси ва ечимини топишда муаллифнинг илмий-амалий ҳиссаси, қўлланилган методология, тадқиқот натижалари ёритилиши;

- таянч сўзлар (key words)  ҳар бири мақола матнида ўртача 4 ва ундан кўп марта такрорланганлигидан ва улар мантиқан қисқа мазмунда мақола моҳиятини очиб беришга хизмат қилиши;

- кириш (introduction) қисмида асосан тадқиқот муаммоси, унинг мақсад ва вазифалари ёритилиши, мавзуни танлашни асоси, унинг долзарблиги ва илмий аҳамияти ёритилиши (ушбу қисмда Президент асарлари ва маърузаларига, фармон ва қарорларга асосланиши);

- мавзуга оид адабиётлар таҳлили (literature review) тадқиқ этилаётган муаммо юзасидан муаллифнинг билим ва тасаввурини намоён этувчи қисм бўлиб, танқидий таҳлил асосида мавзу доирасидаги билимларни кучайтириши ва тадқиқот натижаларини ойдинлаштириши, муаммога дахлдор хориж ва мамлакатимизда мавжуд илмий манбалар таҳлилини ўзида акс эттириши;

- таҳлил ва натижаларда (analysis аnd results) методологик ёндашув асосида қатор моделлар ва бошқа усулларни маълумотлар таҳлили орқали олинган натижалар ўз аксини топиши, албатта жадвал ва расмлар бўлиши (жадвал номи унинг юқори қисмида, расм номи унинг қуйи қисмида ёзилиши ҳамда манбалари аниқ кўрсатилиши);

- хулоса ва таклифлар (conclusion/recommendations) тадқиқотнинг асосий натижаларини, шу билан бирга муаммолар ечими юзасидан мулоҳазаларни ўзида акс эттириши;

         - фойдаланилган адабиётлар рўйхати (references) [1], [2] ёки [3] кетма-кетлигида келтирилиши:

муаллиф (фамилияси, исми-шарифи), китоб номи, нашр номи, нашриёт этилган жой, йили, айнан фойдаланилган бетларни;

муаллиф(лар) исми-шарифи, мақола номи, журнал номи, нашри, йили, сони, аниқ бетлари;

3. Мақола қуйидаги стандарт талабларга жавоб бериши:

- матн Microsoft Word 2010, 2016 дастурида, Times New Roman, 14 шрифтда, 1 интервалда бўлиши;

- матн саҳифасининг барча (ўнг, чап, юқори ва қуйи) томонидан 2 сантиметрдан иборат жой қолдирилиши, унинг минимал ҳажми 6 бетдан кам бўлмаслиги, максимал ҳажми эса 15 бетдан ошмаслиги;

- фойдаланилган адабиётлар сони 7 (етти)тадан кам бўлмаслиги;

- мақола қоғоз  ва электрон вариантда муаллиф имзоси билан тақдим этилиши ва қуйидаги талабларга тўлиқ жавоб бериши шарт:

асосий матн -ўзбек, рус ёки инглиз тилларидан бирида ёзилган;

қўшимча матн - мақоланинг асосий мазмунини ўзида акс эттирган 2 (икки) бетдан кам бўлмаган ҳажмида, аннотация шаклида инглиз тилида тайёрланган.

4. Мақолани чоп этиш юзасидан таҳририят  фаолияти:

- мақолани экспертга хулоса бериш учун тақдим этиши ва унинг натижаси асосида мақолани чоп этиш юзасидан тегишли қарор қабул қилиши;

- белгиланган талабларга жавоб бермаган мақола кўриб чиқилмаслиги ва муаллиф(лар)га қайтарилмаслиги;

              Юқорида келтирилган талаблар якуний эмас, баъзи мақолалар юзасидан Таҳририят қўшимча маълумот сўраш ҳуқуқини ўзида сақлаб қолади.